ГЕРМАН: ЗУЛ САРЫН БАЯРЫН ХАЛДЛАГЫН ЭТГЭЭДЭД НАСААР НЬ ХОРИХ ЯЛ ОНООЛОО

Германы шүүх 2024 онд Зул сарын баярын зах дээр автомашинаар олон хүн рүү дайрч, хүний амь нас хохироосон хэрэгт буруутгагдсан Саудын Араб гаралтай 51 настай сэтгэцийн эмчид бүх насаар нь хорих ял оноолоо.

Шүүхээс түүнийг санаатайгаар хүний амь хөнөөсөн гэм буруутайд тооцож, гэмт хэргийн онц ноцтой шинжийг тогтоосон байна. Ингэснээр ялтан хугацаанаас өмнө суллагдах боломжгүй болжээ.

Уг халдлагын улмаас таван эмэгтэй, есөн настай нэг хүү амиа алдаж, хэдэн зуун хүн гэмтсэний зарим нь хүнд бэртэл авсан юм.

Германы эрх баригчдын мэдээлснээр, халдлага үйлдсэн этгээд нь исламын шашны эсрэг үзэлтэй бөгөөд барууны хэт туйлширсан хуйвалдааны онолуудыг дэмждэг байсан аж.

Энэхүү хэрэг нь сүүлийн жилүүдэд Герман болон Европын орнуудад Зул сарын баярын захуудыг онилсон халдлагуудын нэг бөгөөд үүний дараа олон нийтийн арга хэмжээний аюулгүй байдлыг улам чангатгахад хүргэсэн байна.