УНГАРТ АВЛИГЫН ХЭРЭГ ШАЛГАЖ ОЙ МОД, БАРИЛГААС 19.5 САЯ ДОЛЛАР ИЛРҮҮЛЛЭЭ

Унгарын хууль хяналтын байгууллагууд авлига, албан тушаалын гэмт хэрэгтэй холбоотой мөрдөн шалгах ажиллагааны хүрээнд ой мод, агуулах, хөдөө аж ахуйн зориулалттай барилга байгууламж болон бусад байршлаас нийт 19.5 сая ам.доллартай тэнцэх хэмжээний бэлэн мөнгө илрүүлжээ.

Унгарын Үндэсний хөрөнгө буцаан авах, хамгаалах алба 2026 оны арваннэгдүгээр сарын 12–13-ны өдрүүдэд Будапешт хот болон Пест, Бекеш, Ноград мужид нэгжлэг хийсэн байна. Нэгжлэгийн үеэр ой модонд газар булж нуусан мөнгө, агуулах болон хөдөө аж ахуйн барилга байгууламжид хадгалсан их хэмжээний бэлэн мөнгө, сейф зэрэг эд зүйлс илрүүлжээ.
Хураан авсан мөнгийг улсын Төрийн сангийн дансанд шилжүүлсэн байна.

Энэ хэрэг нь Ерөнхий сайд асан Виктор Орбаны 2010–2026 онд үргэлжилсэн засаглалын үеийн төрийн худалдан авалт, төсвийн хөрөнгө оруулалт, албан тушаалтнуудын санхүүгийн үйл ажиллагааг шалгах өргөн хүрээний ажиллагаатай холбоотой юм.

2026 оны дөрөвдүгээр сард болсон парламентын сонгуулиар Орбаны Фидес нам ялагдаж, Петер Мадьяр тэргүүтэй Тиса нам засгийн эрхэнд гарснаар өмнөх засаглалын үеийн авлигын шинжтэй хэргүүдийг шалгах ажиллагаа эрчимжсэн байна. Энэхүү хэрэг нь төрийн худалдан авалт, төсвийн хөрөнгө оруулалт, улс төрийн өндөр албан тушаалтнуудын санхүүгийн үйл ажиллагаанд тавих хяналт, ил тод байдлын асуудлыг Унгарт дахин хөндөж, олон улсын анхаарлыг татаж байна.



Comments