ТРАМБАЙ ДОТОР ҮЛ ТАНИХ ЭТГЭЭД 46 НАСТАЙ ЭМЭГТЭЙ РҮҮ БЕНЗИН ЦАЦАЖ ГАЛ ТАВЬЖЭЭ

Тус хэрэг өнөөдөр өглөө 10 цагийн үед Германы Thüringen мужийн Gera хотын трамбайд гарчээ. Тодруулбал трамбайд зорчиж явсан 46 настай эмэгтэй рүү үл таних этгээд бензинээр цацаж улмаар эмэгтэйг шатаажээ.

Хэрэг гарах үед зорчигчид ослын товчлуур дарж трамбайг зогсоох үед гэмт хэрэгтэн зугтсан байна. Трамбайн жолооч галын хор ашиглан шатаж буй эмэгтэйг аварчээ. Цагдаагийн мэдээлснээр эмэгтэйд яаралтай эмнэлгийн тусламж үзүүлж, нисдэг тэргээр эмнэлэгт хүргэсэн, хүнд түлэгдсэн гэж мэдээлжээ.

Түүнчлэн цагдаагийн төлөөлөгч Riedder-ийн мэдээлснээр тус хэргийг “аллага үйлдэхийг завдсан” гэмт хэрэг гэж үзэн мөрдөн байцаалтыг эхлүүлсэн бөгөөд гэмт хэрэгтнийг шуурхай эрэн сурвалжилж байна.