ЛУВРЫН МУЗЕЙН ХУЛГАЙН ХЭРГИЙН СЭЖИГТНИЙГ ОНГОЦНЫ БУУДЛААС БАРИВЧИЛЖЭЭ

Парисын Луврын музейд хадгалагдаж байсан 88 сая еврогийн үнэ бүхий Наполеон хааны үед хамаарах үнэт эдлэлүүдийн хулгайн хэрэгт холбогдуулан хэд хэдэн сэжигтнийг баривчилжээ.

Парисын прокурор Laure Beccuau-гийн мэдээлснээр мөрдөгчид өчигдөр орой нэг сэжигтнийг Францаас зугтах гэж байхад нь Charles de Gaulle нисэх онгоцны буудлаас саатуулсан гэлээ. Прокурор Beccuau хэдэн сэжигтэн баривчлагдсан гэдгийг хэлээгүй ч, Францын томоохон хэвлэлүүд хоёр сэжигтнийг баривчилсан тухай мэдээлж байна.