ГЕРМАНЫ ЛЕЙПЦИГ ХОТЫН ОЙРОЛЦОО А9 ХУРДНЫ ЗАМД FLIXBUS КОМПАНИЙ АВТОБУС ОСОЛДОЖ 4 ХҮН НАС БАРЛАА

Өнөөдөр Берлинээс Цюрихийн чиглэлд явж байсан Flixbus компаний автобус Лейпциг мужийн A9 хурдны замд осолдож 4 хүн нас барж, 29 хүн шархаджээ. Автобусанд нийт 53 зорчигч зорчиж явсан байна. Ослын дараа цагдаа нар амиа алдсан дөрвөн хүний гурвынх нь хэн болохыг зарласан. Ослын улмаас Берлинд амьдардаг 47 настай Польш эмэгтэй, 20 настай Индонези эмэгтэй, Баварийн 19 настай залуу нас барсан гэж цагдаагийн газраас мэдээллээ.

Leipziger Volkszeitung-ийн мэдээлснээр цагдаа нар одоо 62, 53 настай жолооч нарыг санамсаргүйгээр хүн амины хэргээр шалгаж байна. Мөрдөн байцаалтын явцын талаар цагдаагийн төлөөлөгч "Юуны өмнө олон тооны гэрчээс мэдүүлэг авах шаардлагатай. Үүнд тодорхой хугацаа шаардагдана" гэж мэдээллээ. Мөн 2019 оноос хойш Flixbus компаний автобус осолдсон 3 дах тохиолдол юм.