ГЕРМАН УЛС ДҮРВЭГЧДИЙН ГЭР БҮЛИЙГ ЭРГЭН НЭГТГЭХ ЖУРМЫГ ЦУЦАЛЛАА

2025 оны 5-р сарын 28-нд Германы Засгийн газар дүрвэгчдийн гэр бүлийн нэгдлийг хязгаарлах, иргэншил олгох нөхцөлийг чангатгах шинэ арга хэмжээнүүдийг баталлаа. Консерватив намын канцлер Фридрих Мерцийн удирдсан шинэ эвслийн бодлогын томоохон өөрчлөлтийн нэг хэсэг гэж мэдэгдлээ.

Шинэ журмын дагуу “хоцрогдсон хамгаалалт” (subsidiary protection) хэмээх статустай, бүрэн дүрвэгчийн эрх олгогдоогүй оршин суугчид хоёр жилийн хугацаанд гэр бүлийн гишүүдээ Герман руу авчрах эрхгүй болно. Энэ нь голчлон Сирийн иргэд болох 380,000 орчим хүнд нөлөөлөх бөгөөд өмнө нь жил бүр 12,000 орчим гэр бүлийн гишүүдийг Герман руу нэвтрүүлэх боломжтой байсан. Засгийн газар энэ арга хэмжээг хүлээн авах болон интеграцийн дэд бүтцэд үзүүлэх ачааллыг бууруулах зорилготой гэж тайлбарлаж байна.

Өмнөх Засгийн газрын үед нэвтрүүлсэн, гурван жилийн дараа иргэншил авах боломжийг олгодог “хурдан зам” (fast-track) хөтөлбөрийг цуцалж, иргэншил авах хамгийн бага хугацааг таван жил болгож нэмэгдүүллээ. Шинэ журмаар өргөдөл гаргагчид санхүүгийн хувьд бие даасан байдал, тогтвортой ажил эрхлэлт, герман хэлний өндөр түвшний мэдлэг зэрэг илүү хатуу шаардлагыг хангах ёстой гэж заажээ.