ТУРКИЙН НИСЭХ КОМПАНИУД АЮУЛГҮЙ БАЙДЛЫН ШИНЭ ЖУРАМ ХЭРЭГЖҮҮЛНЭ

Туркийн эрх баригчид онгоц газардсаны дараа бүрэн зогсоогүй байхад зорчигч босох үйлдэл хийвэл торгууль ногдуулах шинэ журам боловсруулж байна. Энэхүү журам нь нислэгийн үеэрх зорчигчдын гомдлуудтай холбоотой бөгөөд нисэхийн аюулгүй байдлыг сайжруулах, аюулгүй буух үйл явцыг хангахад чиглэжээ. Шинээр хэрэгжих торгууль ойролцоогоор 70 ам.доллар байх төлөвтэй байгаа юм. Энэхүү журам нь Туркийн дотоод болон олон улсад үйл ажиллагаа явуулж буй бүх агаарын тээврийн компаниудад хамаарах тухай мэдээлжээ.