ТРАМПЫН ЗГ-ААС 530.000 ЦАГААЧ ИРГЭДИЙН ТҮР ХУГАЦААНЫ ВИЗИЙГ ЦУЦАЛНА

АНУ-ын Ерөнхийлөгч Дональд Трампын засгийн газар Куба, Хаити, Никарагуа, Венесуэлээс ирсэн 530 мянган цагаачийн түр хугацааны оршин суух эрхийг цуцлахаар болжээ. Энэ талаар 3-р сарын 21-нд Federal Register-т нийтэлсэн бөгөөд Трампын засгийн газрын цагаачлалын бодлогыг чангатгах шинэ арга хэмжээний хүрээнд хэрэгжиж байна.

Энэхүү шийдвэр нь 4-р сарын 24-нд хүчин төгөлдөр болох бөгөөд өмнөх Ерөнхийлөгч Жо Байдены хэрэгжүүлсэн хоёр жилийн хугацаатай түр зуурын хөтөлбөрийг зогсоох юм. Мөн Трампын засгийн газрын Украин дүрвэгсдийн оршин суух эрхийг цуцлах эсэхээ удахгүй шийдвэрлэнэ гэж мэдэгджээ.