МОНГОЛЫН ЭЛЧИН САЙДЫН ЭХНЭР БАНГКОК ХОТОД ӨНДРӨӨС УНАЖ НАС БАРЖЭЭ

Монгол Улсаас Тайланд Улсад суугаа Онц бөгөөд Бүрэн эрхт Элчин сайд Т.Амарсанаагийн гэргий, 41 настай Л.Орхон энэ буюу 5-р сарын 9-ний өглөөний 1:09 цагт Бангкок хотын Клонг Тоэй дүүргийн Сукхумвит 24 дэх орон сууцны 17 давхраас унаж, харамсалтайгаар нас барсан талаар “Bangkok Post” сонинд гарчээ. Банкок хотын цагдаагийн байгууллагын мэдээлснээр талийгаач 17 давхрын тагтнаас унажээ. Мөрдөн шалгах ажиллагааны хүрээнд одоогоор хамгаалалтын ажилтнууд болон оршин суугчдаас мэдүүлэг авч, хяналтын камерын бичлэгийг шалгаж байгаа юм байна.