ИТАЛИД 24 ЦАГИЙН БҮХ НИЙТИЙН АЖИЛ ХАЯЛТ БОЛЖ, ТЭЭВРИЙН САЛБАР СААТЛАА

Итали улсад үйлдвэрчний эвлэлүүдийн уриалгаар зохион байгуулагдсан 24 цагийн бүх нийтийн ажил хаялт өрнөж, нийтийн үйлчилгээ болон зам тээврийн салбарт ихээхэн саатал үүслээ. Уг эсэргүүцлийн арга хэмжээ нь Засгийн газрын төсвийн таналт болон гадаад бодлогыг иргэд эсэргүүцэн жагсаж байгаа юм.

Тодруулбал Төмөр зам: Үндэсний болон бүсийн галт тэрэгнүүд зөвхөн хуулиар заасан баталгаат цагуудад (06:00–09:00, 18:00–21:00) маш хязгаарлагдмал ажиллаж, бусад цагийн аялалууд цуцлагдлаа. Хотын тээвэр: Ром хотын метроны зарим шугамууд бүрэн хаагдаж, Венецийн усан тээвэр болон хотын автобусны хөдөлгөөн эрс цөөрсөн байна. Агаарын тээвэр: Томоохон нисэх буудлуудын үндсэн нислэгүүд хэвийн үргэлжилсэн боловч өнөөдөр (5-р сарын 19) Кальяри бүсийн нисэх буудалд хэсэгчилсэн ажил хаялт зарлагдаад байна. Бусад салбар: Сургууль, цэцэрлэг, төрийн захиргааны байгууллагууд ажил хаялтад нэгдсэн ч эмнэлгийн яаралтай тусламж хэвийн ажиллав.

Цаашид анхаарах өдрүүд:

• 5-р сарын 25–29: Улс даяар ачаа тээврийн салбарын ажил хаялт болно.

• 5-р сарын 29: Төмөр зам болон хотын тээврийг хамарсан бүх нийтийн ээлжит ажил хаялт болно.

• 6-р сарын 5: Агаарын тээврийн салбарынхан (газрын үйлчилгээ) ажил хаяхаар төлөвлөж байна.