СИДНЕЙН ДАЛАЙН ЭРЭГТ НЭГЭН ЭРЭГТЭЙ МАХЧИН ЗАГАСАНД ХАЗУУЛЖ НАС БАРЖЭЭ

Өнөөдөр буюу Бямба гарагийн өглөө Австралийн Сидней хотын хойд хэсгийн эрэг дээр нэгэн эрэгтэй махчин загасны дайралтад өртөж нас барсан гэж тус хотын цагдаагийн газраас мэдээлжээ. Эрэг дээр байсан хүмүүс дайралтад өртсөн эрэгтэйг Long Reef Beach орчмын давлагаанаас татан гаргасан ч хазуулсан гэмтлийн улмаас газар дээрээ нас барсан байна.

Энэ нь Сиднейд 2022 оноос махчин загас хүний аминд хүрсэн эхний тохиолдол юм. 2022 онд Британийн иргэн, шумбагчийн сургагч багш амь насаа алдсан билээ. Урьдчилан сэргийлэх арга хэмжээний хүрээнд ойролцоох хэд хэдэн эргийг түр хугацаанд хаажээ.