ПУТИН АНУ-ЫН ЭНХИЙН ТӨЛӨВЛӨГӨӨНД ӨӨРЧЛӨЛТ ОРУУЛАХААС ТАТГАЛЗЛАА

ОХУ-ын Ерөнхийлөгч Владимир Путин 12 дугаар сарын 17-нд цэргийн удирдлагуудын хурал дээр илтгэл тавьж, АНУ-аас санал болгож буй энхийн төлөвлөгөөнд өөрчлөлт оруулахаас татгалзаж байгаагаа мэдэгджээ. Тэрээр Донбассын бүс нутгийг бүрэн хяналтдаа авах, Украиныг НАТО-д элсэхээс татгалзуулах зэрэг шаардлагыг тавьсан байна.

Мөн Оросын шинэ “Орешник” (Oreshnik) хурдан баллистик пуужинг 2025 оны эцэс гэхэд Беларусын нутагт байршуулна гэж мэдэгджээ. Дэлхийн томоохон хэвлэлүүдийн мэдээлснээр уг пуужинг Беларусиас харвах тохиолдолд Лондон хотод ойролцоогоор 8 минутын дотор хүрэх боломжтой гэжээ. Гэсэн хэдий ч АНУ, Украин болон Европын оролцоотой энхийн хэлэлцээ үргэлжилж байгааг онцолсон байна.

Эх сурвалж: Reuters